хоосон. хов хоосон. ингэтлээ хоосорчихоод огтхон ч шаналахгүй юм. ядаж жилийн өмнөх шигээ бодоол гансраал найдаал итгээл мөрөөдөөл... баймаар байх. гэтэл тэгсэнгүй.

өөрийгөө өөрчлөхийг хүсэж байна хэмээн хэдхэн хоногийн өмнө орилж байж. тэгээд л орой нь буцаад хэвэндээ орсон нь дээр гэж бодов. юу ч өөрчлөгдөхгүй. юуг ч өөрчлөхгүй. би хэн байсан тэр хэвээрэй. хэрвээ би муу хүн бол тэр л биз. сайн байна гэж угаас бүткүй хэрэг.

заримдаа өчүүхэн санагдаж байсан сэдэл аймаар хүнд аймаар том шалтгаан болж шаналалын үүд болдог. учир нь тэр зүгээр л чиний хий хоосон найдлагаас үүдэлтэй байх. харин миний хувьд өөрийгөө өөрчлөх өчүүхэн сэдлээ хайхаас залхсан нэгэн энэ миний сайн эсвэл муу тал. ялгаа бол үнэндээ байхгүй. яагаад гэвэл сайн нь ч бай муу нь ч бай үүнийг би хүсдэг.

гэхдээ бас шалтаг байнаа. өнөөдөр чи хэн нэгний талхыг булаахгүйгээр хоолоо олж идэхгүй. газарт хэвтэж байсан өчүүхэн талхны буланч өөр нэгний оройн зоог байсан байж болно. тэхээр чи тэр бүгдэд шаналаад тэр бүгдийг бодоод байвал чи өөрөө өлсөж үхнэ. өнөөдөр чиний олсон мөнгө өөр нэгний алдсан мөнгө байсан учираас л чамд олдсон хэрэг. битий шанал.

олон олон утга учиргүй бичлэг оруулсаар ... орой нь бас дахиж бодсоор....

гэхдээ би ямартай ч өөрийгөө хуурж зүрхлэх хүн бол биш. заримдаа бүгдийг шинээр эхэлж цоо шинээр амьдармаар гэхдээ тэгмээргүй. зүгээр л дахиж оролдохоос, дахиж өөрийгөө хууран шинэ найдлагыг бий болгохыг хүсэхгүй.

хийсэн бүхэн маань зүгээр л нэг төсөөлөл. бас зүүд. өнөөдрийн амьдрал угаас хангалттай утга учиргүй. би ч тэд ч үгүй, магадгүй үүнийг уншиж буй та ч үгүй. угаас би гэж байхгүйгээс энд хэн ч бичээгүй. хий хоосон утга учиргүй эцэст нь өтөнд бариулах азгүй тавилан.

зогсохсон... зүгээр л зогсохсон. мэдрэмжгүйг мэдэрч буй энэ үедээ л зогсохсон. миний мефистофель чи хаана байна. би энд л зогсмоор байна. хамаагүй ээ сүнс гэж байдаг бол тэрнийг минь чи ав. харин намайг энд л үлдээчих..